काठमाडौं : प्रधानमन्त्री बालेन शाहले आज प्रतिनिधि सभाको बैठकलाई सम्बोधन गर्ने भएका छन्। संघीय संसद सचिवालय स्रोतका अनुसार आज दिउँसो १ बजे बस्ने प्रतिनिधि सभाको बैठकमा प्रधानमन्त्री शाहले सम्बोधन गर्ने कार्यक्रम छ।
भदौ १० गते भोटेकोशी–त्रिशूली क्षेत्रमा आएको विनाशकारी बाढीपछि ठूलो मानवीय तथा भौतिक क्षति भएको छ। अहिले पनि प्रभावित क्षेत्रमा खोज, उद्धार, राहत तथा पुनर्स्थापनाका काम जारी छन्।
पछिल्लो विवरणअनुसार बाढीमा परी हालसम्म १ हजार ११३ जनाको शव फेला परेको छ भने ४ हजार ८५८ जना अझै सम्पर्कविहीन छन्।
भोटेकोशी–त्रिशूली बाढीपछि प्रधानमन्त्री शाहले राष्ट्रका नाममा औपचारिक सम्बोधन गरेका छैनन्। यद्यपि उनले दैनिकजसो सामाजिक सञ्जाल फेसबुकमार्फत खोज, उद्धार, राहत तथा पुनर्निर्माणको प्रगतिबारे जानकारी दिँदै आएका छन्।
आजको प्रतिनिधि सभा बैठकमा सभामुखबाट भोटेकोशी बाढी र त्यसबाट भएको क्षतिबारे विशेष प्रस्ताव प्रस्तुत हुने सम्भावित कार्यसूचीसमेत रहेको छ।
प्रधानमन्त्रीको आजको सम्बोधनमा बाढीपछिको खोज तथा उद्धार, राहत, पुनर्स्थापना, पूर्वाधार पुनर्निर्माण तथा सरकारको आगामी कार्ययोजनाबारे जानकारी आउने अपेक्षा गरिएको छ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
