काठमाडौँ : गएरातिदेखि परेको अविरल वर्षाका कारण अरनिको राजमार्गअन्तर्गत कोदारी खण्डमा सडक अवरुद्ध भएको छ। वर्षासँगै आएको बाढी वा पहिरोका कारण सडक अवरुद्ध हुँदा उक्त क्षेत्रमा यातायात सेवा पूर्ण रूपमा ठप्प भएको हो।
सडक विभागका अनुसार अवरुद्ध सडक पुनः सञ्चालन गर्नका लागि सडक डिभिजन कार्यालय चरिकोटमार्फत मर्मत तथा सफाइको कार्य तीव्र रूपमा अघि बढाइएको छ। सडकमा थुप्रिएको गेग्रान हटाउन र क्षतिग्रस्त हिस्सा मर्मत गर्न आवश्यक उपकरण र जनशक्ति परिचालन गरिएको विभागले जनाएको छ।
मौसमले साथ दिएमा र कार्य प्रगति सोचेअनुरूप भएमा आज बेलुकासम्ममा सडक सुचारु हुने अपेक्षा गरिएको छ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
