नयाँ दिल्ली : भारतका चीफ अफ डिफेन्स स्टाफ (सीडीएस) जनरल अनिल चौहानले हिजोका हतियारहरूले आजको जटिल युद्धमा विजय हासिल गर्न सम्भव नभएको बताएका छन्।
दिल्लीमा ‘यूएभी र काउन्टर-यूएएस’ सम्बन्धी प्रदर्शनीमा बोल्दै उनले भने, ‘यदि भारतलाई युद्धभूमिमा आफ्नो अग्रता कायम राख्नु छ भने हामीले ‘भविष्यको प्रविधि’ ले सुसज्जित हुनुपर्छ।’
चौहानले आजको युद्ध ‘हिजोको प्रविधि’ ले लड्न नसकिने स्पष्ट पारे। उनले भने, ‘हामीले हाम्रो भविष्य सुरक्षित गर्न हाम्रो प्राविधिक क्षमतालाई स्वदेशी बनाउनु पर्छ।’
चौहानले भारत अब महत्त्वपूर्ण रक्षा प्रविधिहरूको लागि विदेशी स्रोतहरूमा निर्भर रहन नसक्ने जिकिर गरे । उनले भने, ‘हाम्रो मिसनको लागि अत्यावश्यक प्रविधिमा विदेशी निर्भरताले हाम्रो तयारीलाई कमजोर बनाउँछ।’
‘अपरेसन सिन्दूर’ लाई उल्लेख गर्दै उनले पाकिस्तानले यस अवधिमा आर्म्ड र अन्आर्मड दुवै ड्रोनहरू प्रयोग गरेको र तीमध्ये धेरैजसोलाई खसालिएको जानकारी दिए । उनले भने, ‘हामीले भविष्यका युद्धहरूमा ड्रोनहरूको प्रयोगमा ध्यान केन्द्रित गर्नुपर्छ ।’
आफ्नो भाषणमा, उनले प्राचीन युद्धहरू र कसरी हतियार र युद्ध प्रणालीहरू समयसँगै हलुका, बढी कुशल, किफायती र बहुमुखी भएका छन् भन्ने बारेमा पनि टिप्पणी गरे।
चौहानले भने, ‘ट्याङ्क र विमानहरू अब हलुका, छिटो र सुरक्षित भएका छन्। त्यस्तै, हामीले ड्रोन र काउन्टर-ड्रोन प्रविधिमा पनि आफूलाई अपग्रेड गर्नुपर्नेछ।’
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
