नयाँ दिल्ली : भारतको हिमाचल प्रदेशमा भारी वर्षाका कारण अहिलेसम्म ४३ जनाको मृत्यु भएको छ । त्यहाँको विपद् व्यवस्थापन तथा राजस्व विभागका विशेष सचिव डीसी राणाले बीबीसीलाई बताएअनुसार अहिलेसम्म ३७ जना बेपत्ता भएका छन् ।
‘हिमाचल प्रदेशमा जुन १९ मा मनसुन आइपुगेको थियो । त्यसपछि लगातार पानी परिरहेको छ । धेरै ठाउँमा बादल फाटेर निकै धेरै क्षति भएको छ’ राणाले भने । मनसुनमा सडक दुर्घटनाका कारण २६ जनाको मृत्यु भएको पनि राणाले बताए ।
एक अनुमानअनुसार हिमाचल प्रदेशमा ५०० करोड रुपैयाँभन्दा बढीको सम्पत्तिमा क्षति पुगेको उनको भनाइ छ । वर्षाका कारण मन्डी जिल्ला सबैभन्दा बढी प्रभावित भएको छ । यस जिल्लामा २० जनाको मृत्यु भएको छ र ८० घर पूर्ण रूपमा क्षतिग्रस्त भएको खबर छ ।
हिमाचल प्रदेशको मन्डी क्षेत्रमा भारी वर्षाका कारण ब्यास नदीमा बाढी आएको छ । यसैबिच भारत मौसम विज्ञान विभागले जुलाई ७ सम्मका लागि अलर्ट जारी गरेको छ ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
