काठमाडौँ। रौतहट जिल्ला अदालतका एक कर्मचारी भ्रष्टाचार मुद्दामा दोषी ठहर भएका छन्।सोमबार विशेष अदालतका न्यायाधीशद्वय नारायणप्रसाद पौडेल र उमेश कोइरालाको इजलासले रौतहट जिल्ला अदालतका डिठ्ठा लवकुमार सिंहलाई दोषी ठहर गरेको हो।
५० हजार घुससहित सिंहलाई पक्राउ गरेर अख्तियार दुरुपयोग अनुसन्धान आयोगले भ्रष्टाचार मुद्दा चलाएको थियो । अदालतले सिंहलाई एक महिना कैद र ५० हजार जरिवानाको सजाय सुनाएको छ।
रोक्का रहेको जग्गा फुकुवा गर्नका लागि उनले ५० हजार घुस लिएका थिए। अख्तियारको टोलीले गत १७ चैतमा उनलाई रंगेहात पक्राउ गरी २१ वैशाखमा मुद्दा दायर गरेको हो।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
