काठमाडौँ : जल तथा मौसम विज्ञान विभागले सार्वजनिक गरेको मौसम पूर्वानुमान अनुसार आज देशका प्रमुख सहरहरूमा मेघगर्जन र चट्याङसहित वर्षाको सम्भावना रहेको छ। आज दिउँसो र रातिको समयमा विभिन्न सहरहरूमा हल्कादेखि मध्यम वर्षा हुने अनुमान गरिएको छ।
आज दिउँसो संघीय राजधानी काठमाडौँमा मेघगर्जन र चट्याङ्गसहित मध्यम वर्षाको सम्भावना ७० प्रतिशत रहेको छ भने यहाँको अधिकतम तापक्रम २७ देखि २९ डिग्री सेल्सियससम्म पुग्ने अनुमान छ। रातिको समयमा पनि ६० प्रतिशत वर्षाको सम्भावनासहित तापक्रम २१ देखि २३ डिग्री सेल्सियससम्म ओर्लिने छ।
पोखरा, ओखलढुङ्गा, धनकुटा, विराटनगर, धरान, जिरी र ताप्लेजुङमा आज दिउँसो वर्षाको सम्भावना सबैभन्दा बढी अर्थात् ८० प्रतिशत रहेको छ। यी सबै सहरहरूमा दिउँसो मेघगर्जनसहित मध्यम वर्षा हुने छ भने रातिको समयमा पनि मध्यम वर्षाकै निरन्तरता रहने पूर्वानुमान छ।
दिउँसो दिपायलको अधिकतम तापक्रम सबैभन्दा बढी ३५ देखि ३७ डिग्री सेल्सियससम्म पुग्ने अनुमान गरिएको छ भने जुम्ला र जिरीको तापक्रम २४ देखि २६ डिग्री सेल्सियसको आसपास रहने छ।
मुलुकका अन्य सहरहरू डडेलधुरा, दिपायल, धनगढी, वीरेन्द्रनगर, नेपालगञ्ज, घोराही, भैरहवा, सिमरा र जनकपुरमा पनि आज दिउँसो मेघगर्जन र चट्याङ्गसहित मध्यम वर्षाको सम्भावना छ। हिमाली क्षेत्रमा रहेको जोमसोम र पहाडी क्षेत्रको जुम्लामा भने आज दिउँसो हल्का वर्षाको मात्र सम्भावना छ।
रातिको मौसमलाई हेर्दा डडेलधुरा, दिपायल, धनगढी, वीरेन्द्रनगर, नेपालगञ्ज, जुम्ला र जोमसोममा मेघगर्जन र चट्याङ्गसहित हल्का वर्षा हुने पूर्वानुमान गरिएको छ। यसैगरी घोराही, पोखरा, भैरहवा, सिमरा, काठमाडौँ, ओखलढुङ्गा, धनकुटा, विराटनगर, धरान, जनकपुर, जिरी र ताप्लेजुङमा भने आज राति पनि मेघगर्जनसहित मध्यम वर्षाकै सम्भावना कायमै रहने छ।
रातिको समयमा जुम्लाको न्यूनतम तापक्रम सबैभन्दा कम १६ देखि १८ डिग्री सेल्सियससम्म पुग्ने छ भने धनगढी, नेपालगञ्ज र सिमराको न्यूनतम तापक्रम २६ देखि २८ डिग्री सेल्सियसको आसपास रहने देखिन्छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
