विराटनगर : नेकपा एमालेको महाधिवेशन प्रतिनिधि छनोटमा एकलौटी गरिएको आरोप लगाउँदै धनकुटामा असन्तुष्ट समूहले निर्वाचन बहिस्कार गरेका छन् । बहिस्कार गर्नु अघि असन्तुष्ट समूहले केही निर्वाचन बुथमा तोडफोड समेत गरेको थियो। सर्वसम्मत सहमति नजुटेको ठाउँमा आज निर्वाचन हुँदै आएको भए पनि धनकुटामा प्रक्रिया विवादपूर्ण बनेको हो।
धनकुटामा राजेन्द्र राई र इन्द्रमणी पराजुली पक्ष गरी दुई समूह सक्रिय छन् । इन्द्रमणी समूहले मतदातालाई जानकारी नै नदिई एकलौटी रूपमा निर्वाचन गरिएको आरोप लगाएको छ। राई पक्षले आफूहरूलाई थाहा नदिई एकलौटी रूपमा आफू निकटका निर्वाचन अधिकृत तोकेको पराजुली पक्षको आरोप छ ।
एमालेले सर्वसम्मत हुन नसकेका स्थानमा आज निर्वाचन गर्ने निर्णय गरेअनुसार धनकुटामा मतदान प्रक्रिया सुरु भएको थियो।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
