बाँके : बाँकेमा लुम्बिनी प्रदेश सरकारले सडक पूर्वाधार कार्यालय मार्फत करिब ४५ किलोमिटर सडक र नाली निर्माण गरेको छ । सडक पूर्वाधार कार्यालय बाँकेको प्रमुख दिपक खड्काले गत आर्थिक बर्ष २०८२–८३ मा कालोपत्रे, ग्राभेल, ढलान र पक्की नाली गरी करिब ४५ किलोमिटर निर्माण गरिएको जानकारी दिनुभयो ।
सडक पूर्वाधार कार्यालय बाँकेका प्रमुख दिपक खड्काले भन्नुभयो, “अधिकांश बस्तीबाट कालोपत्रे सडकको माग भइआउने गरेका छन् ।” कार्यालयका अनुसार गत आवमा सबैभन्दा बढी १७.४८९ किलोमिटर कालोपत्रे सडक निर्माण गरिएको छ ।
पछिल्लो समय कालोपत्रेमा पनि अस्फाल्ट कालोपत्रे प्राथमिकतामा राखिएको कार्यालयले जनाएको छ । यसैगरी ग्राभेल सडक १४.०७८ किलोमिटर निर्माण गरिएको छ । यसैगरी १.४८६ किलोमिटर ढलान सडक निर्माण गरिएको छ । यसैगरी १२.०७१ किलोमिटर पक्की नाली निर्माण गरिएको छ ।
यसैगरी ७ वटा कल्भर्ट र कजवे, २ वटा सडक पुलको निर्माण सम्पन्न गरिएको कार्यालयले जनाएको छ । बाँकेमा सडक पूर्वाधारतर्फ बार्षिक करिब दुई सयवटा योजनामा बजेट बिनियोजन हुने गरेको छ । गत आवमा १९६ वटा योजना रहेका थिए ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
