इच्छाकामना : स्तरोन्नतिको काम चलीरहेको मुग्लिन-मलेखु सडक अन्तरगत फिस्लिङ क्षेत्रमा विद्युत पोलका कारण सडक निर्माण कार्यमा ढिलाई भएको छ । सो क्षेत्रमा विद्युत पोल नहटाउँदा नालीको काम रोकिदाँ सडक कालोपत्रको काम गर्न बाधा पुगेको आयोजनाले जनाएको छ । मुग्लिन-मलेखु सडक निर्माणको जिम्मा लिएको सगुन कन्स्ट्रक्सनका अनुसार चुम्लिङटार–फिस्लिङ ३ कि.मि.दुरिमा ३० वटा विद्युत पोलहरु नसार्दा नालीको काम गर्न ढिलाई भएको हो ।
सगुन कन्स्ट्रक्सनका इन्जिनियर ईश्वर नेपालले सम्बन्धित निकायसँग पटक पटक पोल हटाउँन आग्रह गर्दा पनि पोल हटाउँने काम नहुँदा काम गर्न ढिला भएको बताउँनुभयो । उहाँले भन्नुभयो,“ हामीले सम्बन्धित निकायलाई बारम्बार ताकेता गरेका छौँ, विद्युत पोल सार्ने काम अरु ठेकदारको हो । पोल सारेको भोली पल्टबाटै सो क्षेत्रमा काम थाल्ने उहाँको भनाई छ ।
विद्युत पोल सार्ने ठेक्का लिएका सोहन कन्स्ट्रक्सनका इन्जिनियर सञ्जय यादवले भने सम्झौताको म्याद सकिएकाले पुन : सम्झौताको चरणमै रहेकाले काम हुन नसकेको बताउँनुभयो । अबको दुुई हप्ता भित्र सम्झौता भई पोल सार्ने काम सुरु गरिने बताउँनुभयो ।
बजार क्षेत्रमा काम ढिलाई हुदाँ धुलो धुवाँले स्वास्थयमा असर परेकाले स्थानीयहरुले चाडोँ काम सम्पन्न गर्न माग गरेका छन् ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
