काठमाडौँ : नेकपा एमालेका सचिव छविलाल विश्वकर्माले देश अहिले गम्भीर राजनीतिक विषम परिस्थितिमा रहेको बताएका छन्।
बुधबार च्यासलस्थित पार्टी कार्यालयमा आयोजित उपत्यकास्तरीय जनप्रतिनिधि भेलामा उनले वर्तमान अवस्था सामान्य नभएको र संविधानमाथि विभिन्न ढंगबाट प्रहार भइरहेको आरोप लगाए।
उनका अनुसार नेपाली जनताले बलिदान दिएर ल्याएको संविधानलाई मूर्छित बनाउने गतिविधि भइरहेका बेला एमाले जनअधिकार र व्यवस्थाको रक्षा गर्न सडकमा उभिएको छ।
संसद् असंवैधानिक रूपमा विघटन भएको दाबी गर्दै एमाले अदालत जाने तयारीमा रहेको उनले बताए।
विश्वकर्माले पार्टी एकताबद्ध भएर संघीय लोकतान्त्रिक गणतन्त्र र संविधानको रक्षा गर्ने प्रतिबद्धता पनि व्यक्त गरे।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
