कुरिनटार,१८ कात्तिक : नेपाल एसोसिएसन अफ राफ्टिङ एजेन्सिज (नारा)ले त्रिशूली नदी किनारमा राखिएका होर्डिङ बोर्डहरु हटाउन माग गरेका छन् । पछिल्लो समय विभिन्न नदी तथा खोलामा अवरोध सिर्जना गर्ने गरी राखिएका साइनबोर्डहरूका कारण राफ्टिङ मार्गमा समस्या उत्पन्न भएकोले होर्डिङ बोर्डहरु हटाउन माग गरेका हुन् ।
हाइड्रो पावर कम्पनीहरुले राफ्टिङका लागि जोखिम क्षेत्र भनेर बोर्ड राख्दा राफ्टिङ व्यवसायमा असर पुगेको नाराको भनाई छ । नाराका तर्फबाट ती बोर्डहरू हटाउने पहल जारी रहेका र सम्बन्धित निकायहरूसँग आवश्यक समन्वयका साथै स्थलगत निरीक्षणको प्रक्रिया अगाडि बढाइएको जनाएको छ ।
नदीको स्वाभाविक बहाव जोगाउँदै सुरक्षित र व्यवस्थित राफ्टिङ वातावरण सुनिश्चित गर्नु नाराको उदेश्यको रहको जनाएको छ । पछिल्लो समय त्रिशूली नदीमा ब्लु इनर्जीले होर्डिङ बोर्ड राखेका छन् । चितवनको चुमखोला र गोरखा गण्डकी बुटारस्थित त्रिशूली नदीमा सुपर त्रिशूली हाइड्रो पावर निर्माण भइरहेको छ । सो क्षेत्र आसपास राफ्टिङका लागि जोखिम क्षेत्र भनेर करिब ४ कि.मि. सम्म निर्माण कम्पनी ब्लु इनर्जीले होर्डिङ बोर्डहरु राखेका छन् ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
