चितवन : नारायणगढ–मुग्लिन सडकखण्डमा वर्षौंदेखि समस्या बनेको पहिरोले यात्रु मात्र होइन, सुरक्षा कर्मीलाई समेत सताइरहेको छ। वर्षातको मौसम सुरु हुनासाथै सडकखण्डमा पहिरो खस्ने जोखिम बढ्छ, जसले सबैमा अनिश्चितता निम्त्याउँछ।मुग्लिन प्रहरीका इन्सपेक्टर प्रतिक सिंह र उनको टीम चुनौतीको सामना गर्दै यस सडकखण्डमा निरन्तर खटिए। असोजको पहिलो दिनदेखि नै पहिरो पन्छाउने कार्यमा उनको टोली सक्रिय रह्यो।
हरेक दिन बिहानदेखि राति, धुलो, हिलो र खस्ने ढुङ्गा बीचमा पनि उनीहरूले यात्रुको सुरक्षा सुनिश्चित गर्दै आएका छन्। सुरक्षा कर्मीको जीवन जोखिमपूर्ण भए तापनि उनीहरूको समर्पणले सडकखण्डमा यात्रा सुरक्षित बनाउन महत्वपूर्ण भूमिका खेलेको छ। प्रहरीसँगै सडक डिभिजन कार्यालयका साथै सम्बन्धित निकायको पनि उस्तै सक्रियता रहँदै आएको छ ।वर्षासँगै यो सडक खण्ड पटक पटक अवरुद्ध हुँदै आएको छ ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
