धरानका मेयर हर्क साम्पाङले ‘जेन-जी’ आन्दोलनका क्रममा गोली लागेर घाइते भएका एक आन्दोलनकारीको रगतले लत्पतिएको जुत्तालाई ‘जेन-जी’ शहीद स्मारकका लागि तयार पारिएको जानकारी दिएका छन् । मेयर साम्पाङले सामाजिक सञ्जालमा उक्त जुत्ताको तस्बिर सेयर गर्दै यसलाई शहीद स्मारकमा राखिने बताएका हुन् ।
‘जेन-जी’ आन्दोलनको क्रममा प्रहरीको गोली लागेर घाइते भएका एक युवाको जुत्तालाई मेयर साम्पाङले आफूसँग सुरक्षित राखेका थिए । मेयरका अनुसार, उक्त जुत्ताले आन्दोलनको पीडा र संघर्षलाई प्रतीकात्मक रूपमा चित्रण गर्दछ ।
मेयर साम्पाङले आफ्नो सामाजिक सञ्जालमा लेखेका छन्, ‘यसलाई 'जेन-जी' शहीद स्मारकका लागि बनाउन दिएको छु ।' यस कदमले आन्दोलनमा ज्यान गुमाउने र घाइते हुनेहरूको सम्मान गरेको छ । यस प्रतीकात्मक वस्तुले युवाहरूले आफ्नो अधिकार र न्यायका लागि गरेको संघर्षलाई सधैँ स्मरण गराउने विश्वास गरिएको छ ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
