मस्को : रुसी रक्षा मन्त्रालयले आफ्नो लामो दूरीका बमवर्षक विमानहरूले बाल्टिक सागरमाथि योजनाबद्ध उडान भरेको जनाउँदै, ती विमानहरूलाई मार्गका केही भागमा विदेशी लडाकु जेटहरूले पछ्याएको जानकारी दिएको छ।
बुधवार सार्वजनिक गरिएको विज्ञप्तिमा रुसी टियु–२२एम३ बमवर्षक विमानहरूले चार घण्टाभन्दा बढी समय बाल्टिक सागरको तटस्थ जलक्षेत्रको आकाशमा उडान गरेको उल्लेख गरिएको छ। उडानका क्रममा बमवर्षकहरूलाई लडाकु विमानहरूले सुरक्षा प्रदान गरेको पनि मन्त्रालयले जनाएको छ।
उडान अन्तर्राष्ट्रिय हवाई क्षेत्र प्रयोगसम्बन्धी सबै मापदण्ड र नियमअनुसार सञ्चालित भएको स्पष्ट गर्दै रक्षा मन्त्रालयले यस कार्यमा कुनै प्रकारको अन्तर्राष्ट्रिय हवाई सीमाको उल्लङ्घन नगरेको दाबी गरेको छ।
हालै अन्तर्राष्ट्रिय वायुसीमा क्षेत्रमा रूस र पश्चिमी मुलुकहरूबीच देखिँदै आएको तनावका बीच यो गतिविधि थप चासोको विषय बनेको छ। विदेशी लडाकु विमानहरूले रुसको उडानमा ‘साथ’ दिएको प्रसङ्गलाई पर्यवेक्षकहरूले सतर्क निगरानीका रूपमा लिएका छन्।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
