गाजापट्टी : गाजामा राहत सामग्री वितरण गर्ने क्रममा प्यालेस्टिनीहरूको हत्याको घटनाको अनुसन्धान गर्न संयुक्त राष्ट्र संघ (यूएन)का महासचिवले आइतबार अपिल गरेका छन् । यी मानिसहरू इजरायली सेनाको गोलीबारीमा मारिएको बताइएको छ ।
‘आइतबार खाना र राहत सामग्री लिन गाजामा आएका प्यालेस्टिनीहरूको मृत्यु र घाइते भएकोमा म दुखी छुँ ।’ यूएनका महासचिव एन्टोनियो गुटेरेसले एक विज्ञप्तिमा भनेका छन् । इजरायल र अमेरिकाको समर्थनमा गाजा मानवीय फाउन्डेसनद्वारा सञ्चालित राहत सामग्री वितरण केन्द्रमा उनीहरूमाथि गोलीबारी गरिएको प्रत्यक्षदर्शीहरूले बताएका थिए ।
घटनामा १७९ जनालाई चोट लागेको र यसमध्ये २१ जनाको मृत्यु भएको रेडक्रसले भनेको छ । उही समयमा, हमासद्वारा सञ्चालित नागरिक रक्षा एजेन्सीले मृतकको सङ्ख्या ३१ बताएको छ ।
केही हप्ताको नाकाबन्दी पछि हालै गाजा मानवीय फाउन्डेसनले खाना र अन्य राहत सामग्री वितरण गर्न थालेको थियो । यद्यपि, यसको नीतिहरू मानवता विरोधी भएको आरोप लगाइएको छ ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
