चितवन : बुढीगण्डकी नदीमा बाढीको सतह खतरा तहभन्दा माथि पुगेको र बढ्ने–घट्ने क्रम जारी रहेकाले त्रिशूली नदीको मुग्लिनसम्मको क्षेत्रमा उच्च जोखिम रहेको बाढी पूर्वानुमान महाशाखाले जनाएको छ ।
महाशाखाले मुग्लिनसम्मका नदी आसपासका बासिन्दालाई उच्च सतर्कता अपनाउन आग्रह गरेको छ ।
त्यस्तै, बेनीघाटसम्मको क्षेत्रमा अति उच्च जोखिम रहेकाले सुरक्षित उच्च स्थानमा जान र चितवन तथा नवलपरासीका नदी आसपासका क्षेत्रमा मध्यम जोखिम रहेकाले सतर्क रहन अनुरोध गरिएको छ ।
बाढीसम्बन्धी थप जानकारीका लागि ‘नेपाल बाढी सूचना’ फेसबुक पेज वा ११५५ को विकल्प २ मा सम्पर्क गर्न सकिने महाशाखाले जनाएको छ ।
