गैँडाकोट : गैँडाकोट-१ को शैक्षिक इतिहाससँगै जोडिएको अग्रणी शैक्षिक संस्था ‘सरस्वती निकेतन माध्यमिक विद्यालय’ ले यस वर्षको एस.ई.ई. (SEE) परीक्षामा पुनः एकपटक आफ्नो साख उच्च राख्दै ऐतिहासिक तथा गौरवपूर्ण सफलता हासिल गरेको छ।
लामो समयदेखि यस क्षेत्रमा गुणस्तरीय शिक्षा प्रदान गर्दै आइरहेको सरस्वती निकेतनले स्थापनाकालदेखि नै शिक्षाको जग बसाल्दै आएको छ। यस विद्यालयले उत्पादन गरेका हजारौँ विद्यार्थीहरूले आफ्नो दक्षता प्रमाणित गरिसकेका छन्। विशेष गरी, यहाँ पढेर निस्किएका दर्जनौँ पूर्व विद्यार्थीहरू आज देश तथा विदेशमा प्रतिष्ठित डाक्टर, इन्जिनियर र विभिन्न सरकारी सेवाका उच्च ओहोदामा रहेर राष्ट्र सेवामा समर्पित छन्। विद्यालयको यो विरासतलाई कायम राख्दै यस वर्षको एस.ई.ई. मा विद्यार्थीहरूले हासिल गरेको नतिजा थप उत्साहजनक र ऐतिहासिक बनेको छ। विद्यालय प्रशासनका अनुसार, यो सफलता विद्यार्थीहरूको अथक मेहनत, शिक्षकहरूको समर्पित शिक्षण तथा अभिभावकहरूको विश्वास र सहयोगको उपज हो।
यस सुखद अवसरमा विद्यालय परिवारले सम्पूर्ण विद्यार्थी, अभिभावक, शिक्षक तथा कर्मचारीप्रति हार्दिक आभार व्यक्त गरेको छ। “यो ऐतिहासिक सफलताले हामीलाई अझ जिम्मेवार बनाएको छ। हाम्रा अग्रज विद्यार्थीहरूले जसरी नै वर्तमान विद्यार्थीहरूले पनि राष्ट्र निर्माणमा आफ्नो विशिष्ट योगदान पुर्याउनेछन् भन्नेमा हामी विश्वस्त छौँ,” विद्यालय प्रशासनले जनाएको छ। गुणस्तरीय शिक्षा, अनुशासन र उत्कृष्ट नतिजामार्फत विद्यालयलाई भविष्यमा अझ उचाइमा पुर्याउने प्रतिबद्धता व्यक्त गर्दै, विद्यालयले उत्तीर्ण सम्पूर्ण विद्यार्थी भाइबहिनीहरूमा हार्दिक बधाई तथा शुभकामना व्यक्त गरेको छ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
