काठमाडौं : प्रधानमन्त्री केपी शर्मा ओली र नागरिक उन्मुक्ति पार्टीका संरक्षक रेशम चौधरीबीच पछिल्लो राजनीतिक घटनाक्रमबारे गम्भीर भेटवार्ता भएको छ । उनीहरुबीच बालुवाटारमा सोमबार दिउँसो सवा १२ बजेदेखि करिब एक घण्टा ‘वान टु वान’ छलफल भएको हो ।भेटका क्रममा चौधरीले सुदूरपश्चिम प्रदेशका मुख्यमन्त्री कमलबहादुर शाहद्वारा आफ्ना मन्त्री रामेश्वर चौधरीलाई ‘विनाकारण’ पदबाट हटाएको विषय उठाएका थिए ।
मन्त्री बर्खास्तीप्रति असन्तुष्टि जनाउँदै उनले सुदूरपश्चिम प्रदेश र संघीय सरकार दुवैबाट नागरिक उन्मुक्ति पार्टीले समर्थन फिर्ता लिएकोबारे प्रधानमन्त्री ओलीलाई जानकारी गराएका थिए ।प्रधानमन्त्री ओलीले चौधरीको गुनासो गम्भीरतापूर्वक लिएको बताउँदै यसबारे नेपाली कांग्रेस सभापति शेरबहादुर देउवासँग पनि छलफल गर्ने आश्वासन दिएको बताइएको छ ।
शुक्रबार सुदूरपश्चिम प्रदेश सरकारलाई दिएको समर्थन फिर्ता दिएको नाउपाले शनिबार संघ सरकारबाट पनि समर्थन फिर्ता लिने निर्णय गरेको थियो ।सुदूरपश्चिममा सरकारको स्थायित्व र सत्ता समीकरण फेरिने संकेतबीच भएको यो भेटलाई राजनीतिक रूपमा महत्वपूर्ण मानिएको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
