काठमाडौं : उत्तर कोरियाले सबैभन्दा ठुलो युद्धपोत निर्माण गरिरहेको भूपउपग्रहले खिचेको तस्बिरले देखाएको छ । अहिले किम जोङ उनसँग रहेका अन्य युद्धपोतभन्दा यो दुई गुणा ठुलो रहेको बताइएको हो ।
म्याक्सार टेक्नोलोजिज एन्ड प्लानेट ल्याब्सले गत अप्रिल ६ मा खिचेको तस्बिरमा उत्तर कोरियाको पश्चिमी तटमा रहेको नाम्पो बन्दरगाहमा यो जहाजलाई तयार गरिरहेको देखिएको छ । यो स्थान राजधानी प्योङयाङभन्दा ६० किलोमिटर दक्षिण पश्चिममा रहेको छ ।
सेन्टर फर स्ट्राटेजिक इन्टरनेसनल स्टडिजका जोसेफ बर्मुडेज जुनियर र जेनिफर जुनको विश्लेषण अनुसार यो ४५९ फिट लामो रहेको छ। अमेरिकी जलसेनाको युद्धपोतहरु ५०५ फिट लामा रहेका छन् । किमले पछिल्लो समय आफ्नो सेनाको आधुनिकीकरणमा जोड दिइरहेका छन् ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
