नयाँ दिल्ली : बलिउड निर्देशक नितेश तिवारीद्वारा निर्देशित ‘रामायण’ यस वर्षको सबैभन्दा प्रतीक्षित चलचित्रहरू मध्ये एक हो । यो चलचित्र बृहतस्तरमा निर्माण भइरहेको छ । यसलाई बलिउडको अहिलेसम्मकै सबैभन्दा महँगो चलचित्र बताइएको छ । चलचित्रको मुख्य कलाकारहरू पहिले नै फाइनल भइसकेका छन् । फिल्ममा रणवीर कपूरले राम, यशले रावण, साई पल्लवीले सीता, रवि दुबेले लक्ष्मण र सनी देओल हनुमानको भूमिका निर्वाह गर्नेछन् ।
यसबाहेक, चलचित्रमा अन्य कलाकारबारे निरन्तर नयाँ अपडेट आइरहेका छन् । यसैबिच फिल्ममा राघव जुयालको इन्ट्रीको खबर आएको छ । जुयालले मेघनादको भूमिका खेल्न सक्ने बताइएको छ । यस अघि यो भूमिकामा बिक्रान्त मासेको नाम चर्चामा थियो । जुयाल फिल्मको दोस्रो भागमा मात्रै देखिनेछन् । यो फिल्म २०२७ को दिवालीमा रिलिज हुने बताइएको छ ।
यस अघि मेघनादको भूमिकाका लागि मेकरहरूले विक्रान्त मेसीलाई रोजेका थिए । तर, केही कारणले उनी यस परियोजनामा सामेल हुन सकेनन् । पछि यो प्रस्ताव राघवलाई दिइयो । यसलाई उनले तुरुन्तै स्वीकार गरे । आफ्नो चोटबाट निको भएपछि राघवले फिल्मको छायाङ्कन सुरु गर्ने बताइएको छ । २०२३ को फिल्म ‘किल’बाट राघव जुयाल चर्चामा आएका थिए । यो फिल्ममा उनले खेलेको नकारात्मक भूमिकाको निकै प्रशंसा भयो । त्यसपछि उनी गत वर्ष आर्यन खानको डेब्यू शो ‘द ब्याड्स अफ बलिउड’मा देखा परे । यसबाट पनि उनले राम्रै चर्चा कमाए । राघव छिट्टै दक्षिण भारतीय फिल्ममा पनि देखिँदै छन् ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
