काठमाडौँ : बेलायतमा महँगी बढेको छ । २०२५ को अन्तिम महिना डिसेम्बरमा मुद्रास्फीति बढेर ३ दशमलव ४ प्रतिशतमा उक्लिएको राष्ट्रिय तथ्याङ्क कार्यालयले बताएको छ । नोभेम्बरमा महँगी दर ३ दशमलव २ प्रतिशत थियो । महँगीमा भएको यो वृद्धि अपेक्षा गरिएको भन्दा धेरै हो । सो अवधिमा मुद्रास्फीति ३ दशमलव ३ प्रतिशत मात्रै रहने प्रक्षेपण विश्लेषकहरूले गरेका थिए ।
डिसेम्बरमा क्रिसमस लगायतका कारण महँगी बढेको विश्लेषण गरिएको छ । हालै लागू गरिएको अन्तःशुल्क वृद्धि पछि सुर्तीजन्य वस्तुको मूल्य बढेको राष्ट्रिय तथ्याङ्क कार्यालयका प्रमुख अर्थशास्त्री ग्रान्ट फिट्जनरले बताए ।
क्रिसमस र नयाँ वर्षको अवधिमा हवाई यात्रा बढेसँगै भाडामा भएको वृद्धिले पनि महँगी बढाएको हुन सक्ने उनको आकलन छ । खाद्यान्नमा विशेष गरी रोटी र अन्नको बढ्दो लागतले महँगी बढेको उनले बताए ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
