हेटौँडा : हेटौँडा–काठमाडौँ जोड्ने कान्ति लोकपथमा मङ्सिर २० गतेदेखि दैनिक छ घण्टा सवारी साधन आवतजावत बन्द रहने भएको छ।
जिल्ला प्रशासन कार्यालय, ललितपुरले सार्वजनिक सूचना जारी गर्दै सडक फराकिलो बनाउन र वर्षा याममा गएको पहिरो पन्छाउन शनिबारदेखि ६० दिनसम्म बिहान ११ बजेदेखि अपराह्न ५ बजेसम्म सवारी साधन आवतजावत रोक्ने निर्णय भएको जानकारी दिएको छ।
कान्ति राजमार्ग सडक आयोजना, एकान्तकुनाद्वारा जारी सूचनामा उल्लेख गरिएको छ कि सडक कटिङ र पहिरो पन्छाउने कार्यका कारण दैनिक छ घण्टा सवारी आवतजावत रोक लगाइएको हो।
सडक प्रयोग गर्ने चालकहरूलाई वैकल्पिक मार्ग प्रयोग गर्न सार्वजनिक सुरक्षा सुनिश्चित गर्न आग्रह गरिएको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
