बुटवल : धनगढीबाट काठमाडौँका लागि उडेको श्री एयरलाइन्सको विमान भैरहवा विमानस्थलमा आकस्मिक अवतरण भएको छ । शनिबार विमानमा प्राविधिक समस्या आएपछि भैरहवा विमानस्थलमा आकस्मिक अवतरण भएको हो ।
धनगढीबाट १० बजे उडेको फ्लाइट नम्बर २२२ को विमानमा काठमाडौँ नपुग्दै बिच बाटोमै हाइड्रो लिक फेलियर भएपछि गौतम बुद्ध विमानस्थलमा अवतरण गराइएको जनाइएको छ । जसका कारण करिब ४० मिनेट विमानस्थलमा उडान अवरुद्ध हुन पुगेको समेत विमानस्थलका सूचना अधिकारी विनोदसिंह राउतले बताए ।
सो विमानका चालक दलका सदस्य र ८२ जना यात्रुहरू सकुशल छन् । अहिले उनीहरू विमानस्थलमै रहेका छन् । उनीहरूलाई लिन काठमाडौँबाट अर्को विमान आउने बताइएको छ ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
