काठमाडौँ : अभिनेता अनमोल केसी बिमारी परेका छन् । केही दिनदेखि उनलाई ज्वरोले सताएको छ । ज्वरोका कारण उनी केही दिनदेखि घरमा आराम गरिरहेको उनका बुबा भुवन केसीले जानकारी दिएका छन् ।
भुवनका अनुसार उनलाई बिहीबार स्वास्थ्य जाँचका लागि अस्पताल पनि लगिएको थियो । तर पनि उनको ज्वरो घट्न सकेको छैन । अनमोल बिरामी भएका कारण शुक्रबार आयोजित फिल्म ‘जेरी अन टप’ को ट्रेलरमा रिलिज कार्यक्रममा पनि सहभागी हुन सकेनन् ।
फिल्म ‘जेरी अन टप’ आगामी कात्तिक ३१ गतेबाट सार्वजनिक प्रदर्शनमा आउँदैछ । फिल्ममा अनमोलको अलावा आँचल शर्मा र जसिता गुरुङको मुख्य भूमिका छ ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
