सुनसरी: सुनसरीको इनरुवामा विश्वकर्मा पूजाको समापनसँगै आज विश्वकर्मा बाबाको मूर्ति विसर्जन गरिएको छ। इनरुवा बजारमा पूजा गरिएको मूर्तिलाई स्थानीय बासिन्दाले बाजागाजासहित झाँकी निकालेर विसर्जनस्थलसम्म पुर्याएका थिए।
धार्मिक परम्पराअनुसार, पूजाको समापनपछि मूर्तिलाई पवित्र जलमा विसर्जन गर्ने चलन छ। सोहीअनुरूप आज इनरुवाबाट निकालिएको मूर्तिलाई कोशी नदीको कटान क्षेत्रतर्फ लगिएको थियो।
मूर्ति विसर्जनका लागि निकालिएको र्यालीमा भक्तजनहरूको ठूलो सहभागिता थियो। यसले धार्मिक सहिष्णुता र सद्भावको सन्देश दिएको छ। विशेषगरी, उद्योग, कलकारखाना, यातायात र निर्माण क्षेत्रसँग सम्बन्धित व्यवसायीहरूले यो पूजा मनाउने गर्छन्।विश्वकर्मा पूजालाई सृष्टि र निर्माणका देवताको पूजाको रूपमा लिइन्छ। यस पूजाले मानिसलाई कर्म र मेहनतप्रति प्रेरित गर्ने विश्वास राखिन्छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
