तमिलनाडु : साउथ फिल्मका चर्चित अभिनेता र तमिलगा वेत्री कझगम (टीभीके) का नेता थलापति विजय र उनका बाउन्सरहरूमाथि मुद्दा दर्ता गरिएको छ। गत २१ अगस्तमा मदुरैमा भएको विजयको पार्टी सम्मेलनमा एक कार्यकर्ता घाइते भएका थिए।
प्रहरीले विजय र उनका सुरक्षा स्टाफमाथि बीएनएसका विभिन्न धाराहरू अन्तर्गत मुद्दा दर्ता गरेको हो। उजुरीकर्ता शरत कुमारका अनुसार, उनी सम्मेलनको र्याम्पमा चढ्ने प्रयास गर्दै थिए जहाँ विजय मञ्चमा आइरहेका थिए। यस क्रममा बाउन्सरहरूले उनलाई धक्का दिएका थिए र उनी रेलिङ समात्ने प्रयास गर्दा अन्ततः तल खस्दा छातीमा चोट लाग्यो।
घटनाको भिडियो सामाजिक सञ्जालमा सार्वजनिक भएको छ, जसमा शरतलाई र्याम्पबाट तल खसिरहेको देख्न सकिन्छ। शरतले बताएअनुसार, ‘म उनलाई नजिकबाट हेर्न चाहन्थे, बाउन्सरहरूले धक्का दिए र चोट लाग्यो। यसैले मैले उजुरी दर्ता गरेको छु र जिम्मेवारलाई कारबाही गर्न आग्रह गरेको छु।’
मदुरैको पारापथीमा भएको उक्त सम्मेलनमा लाखौं समर्थक उपस्थित थिए। कार्यक्रम सांस्कृतिक प्रस्तुति, झण्डा फहराउने र पार्टी नेताहरूको सङ्कल्प समारोहसँग सुरु भएको थियो। विजय भव्य रूपमा ३०० मिटर लामो र्याम्पबाट मञ्चमा पुगेका थिए।उल्लेखनीय छ, सन् २०२६ मा तमिलनाडु विधानसभा चुनाव हुनेछ र विजय पार्टी राजनीतिमा सक्रिय छन्। उनले २ फेब्रुअरी २०२४ मा टीभीकेको स्थापना गरेका थिए।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
