वासिङ्टन डिसी : विश्वको सबैभन्दा शक्तिशाली रकेट ‘स्टारसिप’को १०औं टेस्ट प्रक्षेपण ग्राउन्ड सिस्टममा देखिएको प्राविधिक समस्याका कारण स्थगित गरिएको छ। ग्राउन्ड सिस्टममा खराबी भन्नाले रकेट प्रक्षेपणका लागि जमिनमा प्रयोग गरिने उपकरण, मेसिन वा अन्य प्राविधिक प्रणालीमा आएको समस्या जनाइन्छ।
यो टेस्ट अगस्ट २५ मा बिहान ५ बजे अमेरिकाको बोका चिका साइटबाट गरिने तय थियो। यसअघि जुन २९ मा तय गरिएको टेस्ट पनि ‘स्ट्याटिक फायर टेस्ट’का क्रममा रकेटको माथिल्लो भागमा विस्फोट भएपछि रद्द गरिएको थियो।
यो रकेट इलोन मस्कको कम्पनी स्पेसएक्सले बनाएको हो। स्टारसिप स्पेसक्राफ्ट (माथिल्लो भाग) र सुपर हेभी बुस्टर (तल्लो भाग) मिलेर ‘स्टारसिप’ भनिन्छ। यसको उचाइ ४०३ फिट छ र यो पूर्ण रूपमा पुनः प्रयोगयोग्य (रीयूजेबल) छ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
