काठमाडौं : धान दिवस तथा दहीचिउरा खाने दिनको अवसरमा प्रधानमन्त्री केपी शर्मा ओलीले सामाजिक सञ्जालमार्फत शुभकामना व्यक्त गर्दै कृषिको आधुनिकीकरण र प्रविधिको प्रयोगमार्फत उत्पादन वृद्धि गर्नुपर्नेमा जोड दिनुभएको छ।
प्रधानमन्त्री ओलीले आफ्नो फेसबुक मार्फत लेख्नु भएको छ, “आज असार १५, हाम्रो उत्पादन र पसिनाको पर्व, धान दिवस। माटोमा जीवनको सुगन्ध, पानीमा पसिनाको पूजा र यसबाट धानका बाला झुलाउने सपना – यो हाम्रो परम्परादेखि चल्दै आएको रोपाइँ संस्कृति हो । आज देश बाहिर भए पनि, बाल्यकालदेखिका रोपाइँको सम्झना आइरहेको छ।”
उहाँले अबको आवश्यकता परम्परागत कृषिलाई प्रविधिमैत्री बनाउँदै आधुनिक प्रणालीमार्फत उत्पादनशीलता बढाउनु रहेको बताउनुभयो। उहाँले लेख्नुभएको छ, “अब हामीले रोपाइँ र समग्र कृषिलाई आधुनिक र प्रविधिको प्रयोगबाट उत्पादन बढाउने बाटोमा लैजानु पर्छ। त्यसका लागि सरकारले कृषि आधुनिकीकरणको कार्यक्रम ल्याएको छ।”
धान दिवसको अवसरमा उहाँले सबैमा शुभकामना दिँदै लेख्नुभएको छ, “कृषिलाई आधुनिक र प्रविधिमा आधारित बनाएर उत्पादन बढाउँ, असार १५, दहीचिउरा खाने दिन तथा धान दिवसको सबैलाई शुभकामना।”
धान दिवस, नेपाली समाजको जीवनशैली, संस्कार र कृषिप्रतिको श्रद्धाको प्रतीकको रूपमा हरेक वर्ष असार १५ गते मनाइन्छ। देशैभर रोपाइँ गर्दै र दहीचिउरा खाँदै कृषक समुदायले आजको दिन उल्लासपूर्वक मनाउने चलन छ।
ब्कप ऋजबतन्एत्
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
