पूर्वमन्त्री विक्रम पाण्डेले आज पश्चिम चितवनको पहिलो योजना पशुपति केरुङगा लिफ्ट सिचाई आयोजनाको उद्घाटन गर्नुभएको छ । भरतपुर २३ नयाँ वस्तीमा यो आयोजना निर्माण भएको हो । सो अवसरमा पाण्डेले कृषिको लागि यो लिफ्ट सिचाई आयोजना कोशेढुङगा सावित हुने वताउनुभएको छ ।
चितवन क्षेत्र नं. ३ का सांसद समेत रहनुभएका पाण्डेले किसानको हितको लागि आयोजना निर्माणको पहल र बजेट विनियोजनमा महत्वपुर्ण भुमिका निर्वाह गर्नुभएको थियो । उद्घाटन पश्चात उहाँले यस आयोजनाले सिचाँई हुने जमिनको स्थलगत अनुगमन पनि गर्नुभएको छ ।
भरतपुर २३ नयाँ वस्तीमा रहेको यस आयोजनाले अहिले ३० विगाह जमिनमा सिचाँई गर्न सहयोग गरेको छ । “भरतपुर वडा नं. २३ र २४ लाई लक्षित गरि निर्माण गरिएको हो अहिले २३ का किसानले उपभोग गरेका छन , आयोजनाका अध्यक्ष मनोज पुडासैनीले भन्नुभयो विस्तारै हामी २४ मा पनि पु¥याउँछौ” । बाह्रै महिना किसानहरुले यस आयोजनाबाट सिचाँई गर्न पाउने पुडासैनीको भनाई छ ।
उहाँले २०५८ सालमा पुर्वमन्त्री पाण्डेले यस ठाउँमा भुमिगत जलसिचाई सुरु गरेको स्मरण गर्दै अहिले लिफ्ट सिचाँई पनि सुरु गरेर जनतामा थप खुसी बाँडेको बताउनुभयो । वर्षको ३ बालीसम्म खेती भएको अध्यक्ष पुडासैनीले वताउनुभयो ।
यसैविच पुर्वमन्त्री पाण्डेले भरतपुर २३ पशुपतिधाममा सनातन पार्क बनाउने घोषणा समेत गर्नुभएको छ ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
