काठमाडौँ : लोक सेवा आयोगले फास्ट ट्रयाकमार्फत प्रोफेसर नियुक्त गर्न लागिएको विषयमा त्रिभुवन विश्वविद्यालय (त्रिवि)सँग जवाफ माग गरेको छ।
आयोगले त्रिवि सेवा आयोगमार्फत उक्त पदमा गर्न लागिएको नियुक्तको आधार तथा नीतिगत व्यवस्थाबारे जवाफ माग गरेको हो । आयोगको पत्रका आधारमा सेवा आयोगले पनि त्रिवि कार्यकारी परिषद् जवाफ माग गरेको त्रिवि स्रोतले जनाएको छ । तर, त्यसको जवाफ भने पेस गरिसकेको छैन।
त्रिविले सेवा आयोग मार्फत १३० जना प्रोफेसरको नियुक्ति फास्ट ट्र्याकमार्फत अगाडि बढाएको छ। त्यसका लागि आयोगले विज्ञापन आह्वान गरिसकेको छ । जसमार्फत लिखित परीक्षा नलिई अन्तर्वार्ताको आधारमा १०० जना उपप्राध्यापक र ३० जना सहप्राध्यापक तथा प्राध्यापक नियुक्त गर्न लागिएको हो।
उक्त नियुक्ति प्रक्रियाको विषयमा आपत्ति जनाउँदै त्रिविका प्रोफेसरहरूले विरोध गर्दै आएका छन्। आंशिक करार प्राध्यापकहरूले गत जेठ ३० गतेदेखि उपकुलपति कार्यालय, रेक्टर तथा रजिस्ट्रार कार्यालय र त्रिवि सेवा आयोगमा तालाबन्दी गरेका छन्।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
