इस्लामाबाद : पाकिस्तानका स्टार ब्याट्सम्यान बाबर आजमले पहिलोपटक बिग ब्यास लिगमा खेल्ने भएका छन्। उनलाई आगामी साता हुने खेलाडीको ड्राफ्ट अघि सिड्नी सिक्सर्स टोलीले अनुबन्ध गरेको हो।
पूर्वपाकिस्तानी कप्तान बाबर आजम टी-२० अन्तर्राष्ट्रिय क्रिकेट इतिहासमा दोस्रो सबैभन्दा धेरै रन बनाउने खेलाडी हुन्। उनी २०२५-२६ को सम्पूर्ण सिजन को लागि उपलब्ध रहनेछन्।३० वर्षीय बाबरले अहिलेसम्म ३२० टी-२० खेल खेलेका छन्, जसमा उनले विश्वभरका विभिन्न लिगहरूमा प्रतिनिधित्व गरेका छन्। उनले हालै सम्पन्न पाकिस्तान सुपर लिगमा पेसावर जल्मीका लागि सबैभन्दा धेरै रन बनाएका थिए।
तर, बाबरलाई पाकिस्तानको हालै सम्पन्न बंगलादेशविरुद्धको टी-२० सिरिजमा भने समावेश गरिएको थिएन। बाबरले भने, 'विश्वका उत्कृष्ट टी-२० लिगहरूमध्ये एकमा खेल्न पाउनु र यति सफल र प्रतिष्ठित फ्रेन्चाइजको हिस्सा बन्न पाउनु उत्साहजनक अवसर हो।'सिड्नी सिक्सर्सले २०२४-२५ सिजनमा दोस्रो स्थान प्राप्त गरेको थियो, तर प्लेअफमा लगातार दुई हार भोग्दै प्रतियोगिताबाट बाहिरिएको थियो।टोलीले पहिलो हार होबार्ट हरिकेन्ससँग र दोस्रो हार सिड्नी थन्डरसँग बेहोरेको थियो।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
