बेइजिङ : अमेरिकाले चीनबाट आउने सामानमा १०४ प्रतिशत ट्यारिफ अर्थात् अतिरिक्त भन्सार महसुल लगाएपछि चीनको सरकारी मिडियाले आफ्नो प्रतिक्रिया दिएको छ। चीनमा यो शुल्क लागू भएको बेला सरकारी टिभी च्यानल सीसीटीभीसँग जोडिएको सामाजिक सञ्जाल खाता ‘यु युआन तान तियान’ले महसुलसँग सम्बन्धित पोस्ट पोस्ट गरेको छ । पोस्ट चिनियाँ माइक्रोब्लगिङ प्लेटफर्म वेइबोमा आएको हो ।
‘हामी समस्या निम्त्याउँदैनौँ, तर हामी समस्याबाट डराउँदैनौ पनि । चिनियाँ जनतालाई दबाब र धम्की मन पर्दैन,’ विज्ञप्तिमा भनिएको छ । चीनले अन्त्यसम्म लड्ने कुरा दोहोर्याइएको पनि विज्ञप्तिमा दोहोर्याइएको छ । साथै वार्ताको बाटो अझै खुला रहेको पनि स्पष्ट पारिएको छ ।
‘चीन न त कमजोर हुनेछ न त झुक्नेछ । हामी अन्तर्राष्ट्रिय व्यापारका नियमहरूको दृढतापूर्वक रक्षा गर्नेछौँ भनेर हामी विश्वलाई देखाउनेछौँ’ त्यसमा भनिएको छ ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
