बिशालटार : धादिङको बेनीघाट रोराङ गाउँपालिकाको शैक्षिक वर्ष २०८२ को एसईई र कक्षा ८ को समीक्षा एवं शैक्षिक सत्र २०८३ को लक्ष्य निर्धारण कार्यक्रम सम्पन्न भएको छ ।
बिशालटार स्थित गाउँपालिका कार्यालयको सभाहलमा पालिकाभरका आधारभूत विद्यालय र माध्यमिक विद्यालयका प्र.अ. विद्यालय व्यवस्थापन समितिका पदाधिकारी, वडा अध्यक्ष लगायत जनप्रतिनिधिहरू, वडा शिक्षा समिति, विषयगत समितिका शिक्षकहरू, गाउँ शिक्षा समितिका सदस्यहरू लगायत शैक्षिक सरोकारवालाहरूको सहभागितामा कार्यक्रम सम्पन्न भएको हो ।
कार्यक्रममा हाल सार्वजनिक भएको एसईई २०८२ को नतिजाको समीक्षा गरिएको छ । समग्र पालिकाभरिको नतिजाको अवस्था, विद्यालयगत नतिजाको समीक्षा तथा विश्लेषण समेत गरिएको छ ।
२०८२ को एसईई परीक्षमा ७८.५१ प्रतिशत विद्यार्थी उत्तीर्ण भएका छन् । यो नतीजा गत वर्षको भन्दा बढी हो । अघिल्लोे शैक्षिक सत्रको एसईई परीक्षामा ७२.७३ प्रतिशत विद्यार्थी उत्तीर्ण भएका थिए ।
अधिकांश विद्यालयले लक्ष्य भन्दा धेरै विद्यार्थी उत्तीर्ण गर्न सफल भएका छन् । यसैबिच चार वटा विद्यालयले सत प्रतिशत उत्तीर्ण गर्न सफल भएका छन् । ब्राइट फ्युचर माध्यमिक विद्यालय, पञ्चकन्या माध्यमिक विद्यालय, राइजिङ स्टार इ. बोर्डिङ स्कुल र बाँस खर्क माध्यमिक विद्यालयले सत प्रतिशत नतिजा हासिल गरेका हुन् ।
बेनीघाट रोराङ गाउँपालिकामा १० वटा सामुदायिक र २ वटा संस्थागत गरि १२ वटा माध्यमिक विद्यालय रहेका छन् ।
गाउँपालिकाका अध्यक्ष कृष्ण बहादुर थपलिया (विवेक) ले शैक्षिक गुणस्तर र सुधारको मार्गमा गाउँपालिका अघि बढेको बताउँनुभयो ।
गाउँपालिका शिक्षा शाखा प्रमुख बोधराज पाठकले विद्यालयहरूले गाउँपालिकाले गरेको मार्गदर्शनलाई पालना गर्दा शिक्षामा सुधार आएको बताउँनुुभयो । हरेक वर्ष उत्तीर्ण हुने प्रतिशत बढ्दै गएको बताउँनुभयो ।
कार्यक्रममा उपाध्यक्ष टाप बहादुर श्रेष्ठ, प्रमुख प्रशासकिय अधिकृत रामबाबु पौडेल लगायतको उपस्थिति रहनुभएको थियो ।
कार्यक्रममा २०८३ को एसईई र कक्षा ८ को लक्ष्य निर्धारण गरेका गरेका छन् ।
२०८२ को एसईईको लक्ष्य र उत्तीर्ण प्रतिशत
२०८३ को एसईई र कक्षा ८ को लक्ष्य निर्धारण
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
