काठमाडाैँ : निर्वाचन आयोगले अस्पताल तथा स्वास्थ्य संस्थामा स्वास्थ्यकर्मी तयारी अवस्थामा राख्न आग्रह गरेको छ । आयोगले शुक्रबार प्रेस विज्ञप्ति जारी गर्दै फागुन २१ गते हुने प्रतिनिधि सभा निर्वाचनमा खटिने कर्मचारी, सुरक्षाकर्मी तथा मतदान गर्न आउने अपाङ्ग, अशक्त, ज्येष्ठ नागरिक लगायतका मतदाताहरूलाई आवश्यक पर्न सक्ने प्राथमिक स्वास्थ्य उपचार सेवाका लागि मतदान केन्द्रहरूमा प्राथमिक उपचार सेवा उपलब्ध गराउन आग्रह गरेको हो ।
साथै आवश्यकता अनुसार थप उपचारका लागि अस्पताल तथा स्वास्थ्य संस्थाहरू समेत तयारी अवस्थामा राख्न आवश्यक रहेको आयोगका प्रवक्ता नारायणप्रसाद भट्टराईले बताए । उनका अनुसार यसका लागि सम्बन्धित मन्त्रालय र स्थानीय तहमा पत्राचार एवम् समन्वयका लागि गृह मन्त्रालयमार्फत नेपाल सरकारलाई अनुरोध गरे बमोजिम गृह मन्त्रालयबाट सम्बन्धित निकायमा पत्राचार समेत भइसकेको छ ।
सोही अनुसार नेपाल सरकारबाट सबै प्रदेश सरकार तथा स्थानीय तहमा पत्राचार भइसकेको छ ।आयोगबाट भएको निर्णय र पत्राचार बमोजिमका आवश्यक सहयोगको व्यवस्था गरिदिनुहुन नेपाल सरकार, प्रदेश सरकार, स्थानीय तह तथा सबै सरोकारवाला निकायलाई निर्वाचन आयोगले अनुरोध गरेको हो।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
