मुम्बई : ६० करोड भारतीय रुपैयाँ ठगीको मामिलामा अभिनेत्री शिल्पा शेट्टीको ‘लुक आउट सर्कुलर’ खारेज गर्ने याचिका अदालतले खारेज गरेको छ। शिल्पाले कामको प्रतिबद्धता देखाउँदै लस एन्जलस जाने अनुमति मागेकी थिइन्, तर अदालतले यदि उनले यस केसबाट राहत चाहन्छिन् भने सरकारी साक्षी बन्नुपर्ने सुझाव दिएको छ।
बम्बे हाई कोर्टमा भएको सुनुवाइको क्रममा शिल्पाका वकिलले उनलाई युट्युबर मिस्टर बिस्टको कार्यक्रमका लागि अक्टोबर २२ देखि २७ सम्म लस एन्जलस जानुपर्ने तर्क राखेका थिए। तर, अदालतले कामको सम्झौताको कुनै औपचारिक कागजात नभएको भन्दै उनको अनुरोध अस्वीकार गर्यो।
सुनुवाइपछि न्यायमूर्ति चन्द्रशेखरले शिल्पालाई उनका पति राज कुन्द्राविरुद्ध सरकारी साक्षी किन नबन्ने भनेर सोधे। आपराधिक मामिलाहरूमा, यदि कुनै आरोपीले अन्य आरोपीहरूविरुद्ध बयान दिन तयार हुन्छ भने, त्यसलाई ‘अप्रूभर’ भनिन्छ, जसलाई सजायमा राहत वा माफी मिल्न सक्छ।
मुम्बईका एक व्यवसायी दीपक कोठारीले अगस्ट २०२५ मा शिल्पा शेट्टी र राज कुन्द्राविरुद्ध ६० करोड रुपैयाँको ठगीको आरोपमा उजुरी दिएका थिए। कोठारीका अनुसार, शिल्पा र राजले कम्पनीका लागि लिएको ऋणलाई लगानीमा परिणत गरी ६०.४८ करोड रुपैयाँ ठगी गरेको आरोप छ।
यस मामिलामा आर्थिक अपराध शाखाले अनुसन्धान गरिरहेको छ र हालै शिल्पा र राजसँग साढे ४ घण्टा सोधपुछ गरेको थियो। –दैनिक भास्कर
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
