इस्लामवाद : अफगानिस्तानको राजधानी काबुलमा बिहीबार राति दुई शक्तिशाली विस्फोट सुनिए । अपुष्ट रिपोर्टका अनुसार, पाकिस्तानी लडाकु विमानहरूले काबुलभित्र टिटिपी लुक्ने ठाउँहरूलाई लक्षित गर्दै हवाई आक्रमण गरेका थिए ।
पाकिस्तानले काबुलमा रहेको पाकिस्तानी तालिबान प्रमुख नूर वली मेहसुदको कार र गेस्टहाउसलाई निशाना बनाएको बताइएको छ । मेहसुदले एक विज्ञप्ति जारी गर्दै उनी सुरक्षित रहेको र यो समाचार पाकिस्तानी गुप्तचर निकायहरूको प्रचार भएको बताएका छन् । सामाजिक सञ्जाल रिपोर्टका अनुसार काबुलमा विस्फोटको बीचमा ड्रोन उडिरहेको देखिएको थियो ।
दुई विस्फोट सुनिएको बताए, तर अहिलेसम्म कुनै हताहतको रिपोर्ट नआएको तालिबान प्रवक्ता जबिउल्लाह मुजाहिदले बताएको भन्दै एनडीटीभीले समाचार छापेको छ । यो आक्रमण तालिबानका कार्यवाहक विदेशमन्त्री भारतमा रहेको बेला भएको हो ।
समाचार एजेन्सी डनका अनुसार, विस्फोट अब्दुल हक स्क्वायर नजिकै भएको थियो । आक्रमण त्यहाँ रहेको ल्यान्ड क्रुजर गाडीलाई लक्षित गरिएको बताइएको छ । घटनापछि अब्दुल हक स्क्वायर बन्द गरिएको र त्यस क्षेत्रमा ठुलो ट्राफिक जाम भएको स्थानीय मिडिया आउटलेट टोलो न्यूजले प्रत्यक्षदर्शीहरूलाई उद्धृत गर्दै बताएको थियो ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
