काठमाडौँ : जेनजीको प्रदर्शनमा घुसपैठ गरेर लुटपाट, आगजनी र विध्वंस मच्चाउने २७ जना पक्राउ परेका छन् । भदौ २४ गते रातिबाट परिचालन भएपछि लुटपाट र आगजनी गर्ने २७ जनालाई पक्राउ गरिएको सैनिक जनसम्पर्क तथा सूचना निर्देशनालयले जनाएको छ ।
३ वटा बारुणयन्त्र प्रयोग गरेर आगजनी भइरहेका संरचनाहरूको आगो नियन्त्रणमा लिने प्रयास भइरहेको सेनाले जनाएको छ ।
विभिन्न प्रहरी कार्यालयबाट अराजक समूहले लुटेको हतियार काठमाडौँबाट २३ र पोखराबाट ८ नाल बरामद गरिएको छ ।
मंगलबारको प्रदर्शनमा घाइते भएका २३ जना प्रहरी र ३ जना प्रदर्शनकारीको सैनिक अस्पतालमा उपचार भइरहेको छ ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
