काठमाडौँ : ३० वर्षको उमेरपछि धेरैलाई ढाड दुख्ने समस्या देखिन थाल्छ। लामो समयसम्म एउटै अवस्थामा बस्ने बानी, गलत शारीरिक आसन, व्यायामको कमी र तनाव यसका मुख्य कारण हुन्।

अहिले गलत जीवनशैलीका कारण कम उमेरमै पनि कम्मर र ढाड दुख्ने समस्या सामान्य बन्दै गएको छ। समयमै ध्यान नदिए यसले दैनिक जीवनमा समस्या सिर्जना गर्नुका साथै दीर्घकालीन स्वास्थ्य समस्या पनि निम्त्याउन सक्छ।

यदि तपाईं पनि ढाड वा कम्मर दुखाइबाट पीडित हुनुहुन्छ भने, योगासन औषधिभन्दा बढी प्रभावकारी उपचार बन्न सक्छ। नियमित योगाभ्यासले दुखाइ कम गर्ने मात्र होइन, मेरुदण्डलाई लचिलो बनाउने र मांसपेशीलाई बलियो बनाउने काम गर्छ। ्यहाँ ३० वर्षपछि बढ्न सक्ने ढाड दुखाइलाई नियन्त्रण गर्न मद्दत गर्ने ५ सजिलो योगासन प्रस्तुत गरिएको छ:

१. भुजंगासन

यस आसनले ढाड र कम्मरका मांसपेशीलाई बलियो बनाउँछ। लामो समयसम्म कम्प्युटर वा कुर्सीमा बस्नेहरूका लागि विशेष लाभदायक हुन्छ।

२. मार्जरी आसन

मार्जरी आसनले ढाडलाई आराम दिन्छ, झुकेको शरीरलाई सुधार्छ र तनाव तथा थकान घटाउँछ।

३. बालासन

बालासनले ढाड र कम्मर दुखाइ कम गर्छ र तुरुन्तै राहत दिन्छ। यसले ढाड, कम्मर र कूल्हाका मांसपेशीलाई आराम दिन्छ र मानसिक शान्ति पनि प्रदान गर्छ।

४. सेतु बन्धासन

यस आसनले ढाडलाई बलियो बनाउँछ, पेल्भिक र जाँघका मांसपेशीलाई सक्रिय गर्छ। तल्लो भागको ढाड दुखाइमा विशेष उपयोगी मानिन्छ।

५. शवासन

सबै आसनपछि शवासनले शरीरलाई पूर्ण आराम दिन्छ। यसले मानसिक तनाव कम गर्छ र शारीरिक सन्तुलन कायम राख्छ।

अस्वीकरण : यी योगासनहरू योगगुरुको सुझावमा आधारित हुन्। आसनको सही तरिका सिक्न र अभ्यास गर्न विशेषज्ञसँग सम्पर्क गर्न सिफारिस गरिन्छ।