काठमाडौँ : रिटर्नी सेन्टर नेपाल भरतपुर महानगर समितिले नयाँ नेतृत्व चयन गरेको छ । मंगलबार भएको समितिको दोस्रो सम्मेलनले राजु भुसाल ‘मोती’को नेतृत्वमा दोस्रो कार्य समिति चयन गरेको हो ।
समितिको उपाध्यक्षमा लालबहादुर भट्ट, अभिमन्यु तिवारी रहेका छन् । त्यसैगरी सचिवमा दीपक घिमिरे , सह–सचिवमा हरि न्यौपाने र कोषाध्यक्षमा टीका श्री थापा रहेका छन् ।
२९ वडाबाटै प्रतिनिधित्व हुने गरि बनाइएको समितिमा ५८ जना सदस्यहरू रहेका छन् । सम्मेलनले सल्लाहकार संयोजकमा विष्णु अधिकारीलाई चयन गरेको छ ।
नेकपा (माओवादी केन्द्र)का केन्द्रीय सदस्य तथा रिटर्नी सेन्टर नेपालका सम्मेलनमा फ्याक्सन इन्चार्ज देवेन्द्र पराजुलीले सेन्टरले विभिन्न योजना बनाइ सकेको र ती योजना लिएर सातै प्रदेश पुग्ने बताए । उनका अनुसार रिटर्नीको छरिएको ज्ञान सीप र पुँजीलाई एकीकृत गर्ने योजना सेन्टरले बनाएको छ ।
सम्मेलनमा सेन्टरका केन्द्रीय सदस्य कृष्ण ढकाल, चितवन जिल्ला समिति अध्यक्ष निमकान्त पाण्डे , भरतपुर नगरका इन्चार्ज सझाराम विक ,जिल्ला समिति सदस्य इन्द्र न्यौपाने र वाईसीएल जिल्ला संयोजक दुर्लभ शाही सहित सबै वडाका प्रतिनिधिको उपस्थिति रहेको थियो ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
