काठमाडौं : चारदेशीय टी-२० श्रृङ्खलाको समूह चरणको अन्तिम खेलमा हङकङविरुद्ध नेपालले टस जितेर बलिङ रोजेको छ।मिसन रोड मैदानमा हुने खेलमा नेपालले हङकङलाई ब्याटिङको निम्तो दिएको हो। अपराजित नेपाल ह्याट्रिक जितको लक्ष्यमा छ ।नेपालले पहिलो खेलमा कतारलाई ८ विकेट र दोस्रो खेलमा कुवेतलाई ६ विकेटले पराजित गरेको थियो।
नेपाल यस अगाडि ओमानमा आयोजित एसिसी प्रिमियर कपमा ४ विकेटले पराजित हुँदा एसिया कप गुमाएको थियो।नेपालले दुई खेलबाट चार अंक जोडेको छ। यसैगरी ३ खेलबाट कवेतले ४ अंक जोडेको छ भने हङकङले २ खेलमा २ अंक जोडेको छ। कतार र कुवेत पनि आजै आमनेसामने हुँदैछन्।
आजको खेल जित्न नसकेमा नेपालले कतार र कुवेतविरुद्धको नतिजा कुर्नुपर्नेछ। यता पहिलो खेलमा हङकङ कुवेतसँग चार विकेटको हार बेहोरेको थियो।तर अर्को खेलमा कतारविरुद्ध ६८ रनको जित निकालेको थियो। शीर्ष टोली फाइनलमा पुग्नेछ, तेस्रो र चौथो टोलीले तेस्रो स्थानका लागि आइतबार खेल्नेछन्।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
