काठमाडौं : श्रम संस्कृति पार्टीका अध्यक्ष हर्क साम्पाङले पार्टीमा भर्खरै प्रवेश गरेका नेता सुदन किराँतीलाई कोसी प्रदेशको मुख्यमन्त्रीका रूपमा अघि सार्ने संकेत दिएका छन् । साम्पाङले आइतबार बिहान सामाजिक सञ्जालमार्फत सार्वजनिक रूपमा सुझाव माग्दै लेखेका छन्, 'हाम्रा पार्टीबाट श्रमदाता सुदन किरातीज्यूलाई प्रदेश ! को मुख्यमन्त्री बनाउँदा कसो होला ? आफ्नो राय दिनुस् त !'
दुई दिनअघि मात्रै श्रम संस्कृति पार्टीमा प्रवेश गरेका किराँतीलाई सिधै प्रदेश नेतृत्वको सम्भावित अनुहारका रूपमा प्रस्तुत गरेपछि राजनीतिक वृत्तमा नयाँ चर्चा सुरु भएको छ।
साम्पाङको अभिव्यक्तिलाई आगामी राजनीतिक रणनीति र चुनावी तयारीसँग जोडेर हेरिएको छ। पूर्वमन्त्रीसमेत रहेका सुदन किराँती केही दिनअघि मात्रै श्रम संस्कृति पार्टीमा समाहित भएका थिए।
उनको प्रवेशसँगै पार्टीले पूर्वी नेपालमा राजनीतिक प्रभाव बढाउने अपेक्षा गरेको छ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
