धादिङ : काठमाडौँबाट पोखरा जाँदै गरेको ईभी (विद्युतीय) माइक्रो बस धादिङमा दुर्घटना भएको छ । दुर्घटनामा परेर १२ जना सामान्य घाइते भएका छन् ।
पाँच जना घाइतेलाई उपचारको लागी काठमाडौँ पठाइएको प्रहरीले जनाएको छ ।दुर्घटनामा परेको बा.१३ च. २९४१ नम्बरको माइक्रोमा १२ जना यात्रु र दुई जना चालक दलका दुई जना सदस्य थिए ।
धादिङको गजुरी नगरपालिका–६ स्थित आदमघाटमा माइक्रो भित्तातर्फ ठोक्किएको छ । ब्रेक फेल भएपछि माइक्रोलाई भित्तातर्फ लगेर अड्याइएको चालकले ट्राफिक प्रहरीलाई बताएका छन्।
