काठमाडौँ : त्रिभुवन अन्तर्राष्ट्रिय विमानस्थल लगायत देशभरका विमानस्थलहरूमा सवारी साधन पार्किङ शुल्क अत्यधिक महँगो भएको भन्दै गुनासो आएपछि नेपाल नागरिक उड्डयन प्राधिकरण (क्यान) ले शुल्क पुनरावलोकनको प्रक्रिया अघि बढाएको छ।
विमानस्थल प्रयोगकर्ता, यात्रु तथा हवाई सेवा कम्पनीका कर्मचारीहरूबाट पार्किङ शुल्क अव्यवहारिक र महँगो भएको भनी निरन्तर गुनासो प्राप्त भएपछि संस्कृति, पर्यटन तथा नागरिक उड्डयन मन्त्रालयको निर्देशनपछि प्राधिकरणले शुल्क संशोधनका लागि सोमबार समिति गठन गरेको हो।
प्राधिकरणका अनुसार, शुल्क निर्धारणमा देखिएका समस्या र सर्वसाधारणको गुनासोलाई सम्बोधन गर्न नेपाल नागरिक उड्डयन प्राधिकरणका निमित्त उपमहानिर्देशक विनोद प्रसाद न्यौपानेको संयोजकत्वमा ५ सदस्यीय समिति गठन गरिएको छ।
उक्त समितिलाई तीन दिनभित्र पार्किङ शुल्कको विद्यमान अवस्था अध्ययन गरी आवश्यक संशोधनका लागि प्रतिवेदन पेश गर्न जिम्मेवारी दिइएको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
