काठमाडौं : नेपालमा अन-डिमान्ड डेलिभरी सेवा प्रदायक इनड्राइभ. कुरियर्स (inDrive. Couriers) को मागमा नेपाली नयाँ वर्षको अवधिमा तीव्र वृद्धि देखिएको छ।
विशेषगरी साना तथा मध्यम व्यवसायहरूले (SMEs) आफ्नो सामान ओसारपसारका लागि यस प्लेटफर्मलाई बढी रुचाएको पाइएको छ।
यो सेवामार्फत व्यक्ति र व्यवसायले शहरभित्र छिटो र पारदर्शी रूपमा कुरियर सेवासँग जोडिएर सामान पठाउन सक्छन्, जहाँ ग्राहक र कुरियरबीच सिधै सहमतिमा भाडा निर्धारण हुने गर्दछ।
इनड्राइभको आन्तरिक तथ्यांकअनुसार, सन् २०२५ को नयाँ वर्षको अवधिमा डेलिभरी अर्डर संख्या अघिल्लो वर्षको तुलनामा २००% भन्दा बढीले वृद्धि भएको छ।
सक्रिय व्यवसाय प्रयोगकर्ताको संख्यामा पनि २.६ गुणाले बढोत्तरी भएको छ, जसमा स्थानीय पसल, अनलाइन विक्रेता र घरबाटै सञ्चालन हुने व्यवसायहरू समावेश छन्।
यस प्लेटफर्ममा अर्डर मिलान हुन ४० सेकेन्डभन्दा कम समय लाग्ने र औसतमा ५-६ मिनेटमै कुरियर पिकअप स्थानमा पुग्ने हुनाले सेवाग्राहीको आकर्षण बढेको देखिन्छ।
यस अवधिमा प्रयोगकर्ताहरूले कपडा, खाद्यान्न, स्पेयर पार्ट्स र अन्य पार्सलहरू पठाउन प्लेटफर्मको प्रयोग गरेका थिए।
इनड्राइभ नेपालकी कन्ट्री रेप्रेजेन्टेटिभ रिता पोखरेलका अनुसार, नयाँ वर्ष साना व्यवसायीका लागि महत्त्वपूर्ण समय भएकाले उनीहरूले ग्राहकसम्म छिटो पुग्न इनड्राइभ कुरियर्समा निर्भरता बढाएका हुन्।
डेलिभरी अर्डर संख्यामा काठमाडौंले नेतृत्वदायी भूमिका खेलेको छ भने पोखरा र भरतपुरजस्ता शहरहरूमा पनि सेवाको स्थिर विस्तार भइरहेको छ।
इनड्राइभले लचिलो मूल्य निर्धारण प्रणालीमार्फत नेपालका साना व्यवसायहरूका लागि भरपर्दो डेलिभरी समाधान प्रदान गर्दै आएको छ।
बढ्दो मौसमी मागलाई मध्यनजर गर्दै कम्पनीले आगामी दिनमा नेपालभर डेलिभरी सेवा अझ सुलभ बनाउने र स्थानीय उद्यमीहरूलाई सहयोग गर्ने आफ्नो प्रतिबद्धता दोहोऱ्याएको छ।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
