बर्दिया : नागरिकता नपाउँदा बर्दियामा बाबुछोरीले ज्यान गुमाएको घटनाबारे छानबिन गर्न गठित समितिले बुधबारदेखि काम थालेको छ।समिति सदस्य तथा गृह मन्त्रलयका उपसचिव कुलशेखर अर्यालका अनुसार घटनास्थलमा पुगेर मृतक अन्जु थारुकी ७ वर्षीया छोरी अनिता थारुको जन्म दर्ता र ६१ वर्षीय बुवा कान्छा थारुको मृत्यु दर्ता स्थानीय वडा कार्यालयमा गरिएको छ। वडा कार्यालयमै पुगेर अनिता थारुको जन्मदर्ता र कान्छा थारुको मृत्युदर्ता गराएसँगै उक्त समस्या निराकरण भएको अर्यालले जानकारी दिए।
अञ्जुका श्रीमान् अनिल थारुविरुद्ध आत्महत्या दुरुत्साहनमा मुद्दा र पक्राउ पूर्जी जारी भएको भन्दै उनले मानवअधिकार आयोगले पनि यसमाथि छानबिन गरिरहेको जानकारी दिए।
समिति संयोजक सुरेश पन्थीको नेतृत्वमा सबै सदस्यहरु बढैयाताल-४ मा पुगेर समग्र वस्तुस्थितिबारे सर्वपक्षीय छलफल गरेको थियो।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
