काठमाडौँ : बानेश्वर बहुमुखी क्याम्पसमा अनेरास्ववियु (क्रान्तिकारी) को तर्फबाट भूमिराज अधिकारी स्ववियु सभापतिको उम्मेदवार बनेका छन् । बिहीबार सो सङ्गठनले अधिकारीलाई स्ववियु सभापतिको उम्मेदवार बनाएको हो ।
सो सङ्गठनको तर्फबाट स्ववियु सचिवमा रविन रिजाल र कोषाध्यक्षमा सन्जिता भट्टराईलाई उठाउने निर्णय भएको छ । साथै क्याम्पस समितिको इन्चार्जमा अधिकारी र संयोजकमा पेरिसराज गिरीलाई जिम्मेवारी दिने निर्णय भएको छ । सहसंयोजकमा स्मिता कार्कीले जिम्मेवारी पाएकी छन् ।
बिहीबार सो सङ्गठनका केन्द्रीय अध्यक्ष विजयप्रकाश सापकोटा र नेकपा (माओवादी केन्द्र) केन्द्रीय सदस्य युवराज चौलागाईंको विशेष आतिथ्यतामा बसेको बैठकले सो निर्णय गरेको संयोजक गिरीले जानकारी दिए ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
